Është zhvilluar sot në Durrës stërvitja e parë e kombëtares në prag të dy ndeshjeve të Ligës së Kombeve me Bjellorusinë dhe Lituaninë.
Krahas dy lojtarëve të thirrur që janë me pikëpyetje, Emir Lenjanit dhe Florian Kamberit, pasi Zvicra nuk i lejon të largohen nga shteti, e sigurtë është edhe mungesa e Mrash Kumbullës, i cili sot është paraqitur, por pas testeve fizike ka rezultuar i dëmtuar.
Nuk dihet ende nëse Reja do të thërrasë një tjetër lojtar për të zëvendësuar Kumbullën, por dy ndeshjet janë të vlefshme për grupin 4 të Ligës C, ku Shqipëria synon të kualifikohet e para sipas presidentit Duka dhe trajnerit Edy Reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
