Ish-trajneri i Spanjës, kandidat për të marrë drejtimin e Kosovës

Pas largimit të Primoz Gliha, Kosova ka mbetur pa trajner dhe është në kërkim të një timonieri të ri.

Emrat e përmendur kanë qenë të shumtë, ndërsa së fundmi, një lajm i bujshëm vjen nga Spanja.

Gazetari spanjoll, Matteo Moretto, ka bërë të ditur ditën e sotme, se trajneri Robert Moreno, është kandidat, për të marrë drejtimin e Kosovës.

Moreno është një trajner i njohur në Europë, teksa ka drejtuar skuadra si Monaco dhe Granada, ndërsa ka drejtuar gjithashtu edhe kombëtaren e Spanjës në gjashtë ndeshje.

Moreno ka qenë asistent i trajnerit Luis Enrique, në skuadra si Barcelona dhe Roma, ku ai ka drejtuar.