Mohoi se i kishte rënë të fikët, Pele prej 6 ditësh i shtruar në spital

Legjenda braziliane e futbollit, Pele ndodhet i shtruar në spital prej 6 ditësh, për një problem shëndetësor, i cili ende nuk është bërë i ditur.

Deri tani nuk ka ende një informacion, në lidhje me problemin e ish-lojtarit, por menaxheri i tij ka thënë se nuk ka asgjë për t’u shqetësuar.

Më herët në media u raportua se 80-vjeçarit i kishte rënë të fikët, por kjo u mohua nga vetë Pele në një deklaratë.  

“Djema, nuk më ra të fikët dhe jam shumë mirë me shëndet. Unë shkova për testet e mia rutinore, të cilat nuk kisha qenë në gjendje t’i bëja më parë për shkak të pandemisë.”, shkruante Pele.

Megjithatë tashmë është zbuluar se Pele prej 6 ditësh qëndron i shtruar në spital dhe kjo ka ngjallur ankth te tifozët.