Besimi i dhënë nga Carlo Ancelotti ka arritur të justifikohet shumë shpejt nga Vinicius Junior.
Braziliani ka rikuperuar protagonizmin e mëparshëm në ofensivë duke i dhënë pikë të vlefshme Real Madridit për avancimin për më tej . Eksperienca e Karim Benzema i ka shërbyer si mbështetje absolute sulmuesit nga Rio De Janeiro për të qenë më efikas dhe e ka bërë krenar trainerin italian .
Pas kësaj risie shumë motivuese , sipas ‘ Marcas ‘ drejtuesit e ‘’ Galaktikëve ‘’ po mendojnë seriozisht për rinovimin e 21 vjeçarit sepse me të në fushë Real Madridi shfaqet ndryshe .
Kontrata e ishi-t të Flamengos skadon në 30 qershorin e 2024-tës por me këtë nivel të arritur padyshim ka lëshuar një sinjal për Florentino Perez në lidhje me rinovimin . Ky operacion parashikohet se do të shoqërohet me një klauzolë shumë të kripur për prishjen e saj , fakt që do ti largojë skuadrat e njohura nga Vinicius Junior .
Perla braziliane si çdo lojtar tjetër e pati të vështirë adaptimin tek ‘’ Los Blancos ‘’ sepse nuk iu krijuan shumë hapësira nën drejtimin e Zinedine Zidane por me kalimin e kohës dhe me besimin e dhënë nga Carlo Ancelotti ishi i Flamengos ka shpërthyer duke i dhënë për të kuptuar italianit se do të ketë një garanci absolute në ofensivë .
9 gola dhe 3 asiste në 14 ndeshje janë një provë që s’ka nevojë për koment dhe konsiderohet se Real Madridi e ka asin nën mëngë në momente të ndërlikuara .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
