Favoritët për stolin e Barcelonës

 Humbja e turpshme në fushën e Benfikës e ka vënë seriozisht në rrezik qëndrimin e trainerit Ronald Koeman në stolin e Barcelonës. 

Pavarësisht se zërat e shumtë  flasin për Xavi Hernandez,  Joan Laporta nuk e konsideron të duhurin sepse është i bindur se të tjerë elementë mund  ti nxjerrin nga balta katalanasit .  Aktualisht në kampin e spanjollëve qarkullojnë emrat e Andrea Pirlos dhe Roberto Martinez  .  

Italiani realizoi një sezon për tu harruar me Juventusin vitin e shkuar në të cilin ‘’ Zonja e Vjetër ‘’ rrezikoi seriozisht pjesmarrjen në Champions League , arsye e mjaftueshme kjo për të mos besuar më në aftësitë e italianit .  Pavarësisht se ideologjia e tij nuk përputhet  me filozofinë e lojës së Barcelonës ,  Joan Laporta e konsideron se mund ti shërbejë për të ngritur kokën .

 Kandidati i  dytë është Roberto Martinez.  Spanjolli prej kohësh i ka dhënë ‘’ Ok ‘’ Joan Laportas për të marrë në dorë fatet e pankinës por problemi i vetëm është se i mbetet edhe një vit kontratë me  Belgjikën dhe do të jetë një vështirësi me vete për arsye se Botërori i Katarit është afër  .

Largimi i Lionel Messit vijon ti lërë një faturë shumë të shtrenjtë Barcelonës e cila me këtë ecuri do ta ketë shumë të ndërlikuar për të ngritur kokën .