Shqipëria do të luajë një ndeshje shumë të rëndësishme ditën e sotme, teksa sfidon Çekinë në transfertë, në sfidën e vlefshme për kualifikueset e Europianit.
Kuqezinjtë e drejtuar nga Silvinjo, do të kërkojnë një rezultat pozitiv, që do i afronte me objektivin, që është kualifikimi në Europianin e vitit të ardhshëm.
Shqipëria do të ketë edhe një mbështetje të madhe në stadiumin “Fortuna Arena”. Një numër i lartë tifozësh, kanë udhëtuar drejt Pragës, për të mbështetur kuqezinjtë.
Të grumbulluar pak orë para ndeshjes, tifozët shfaqen me këngë patriotike dhe gati për ndeshjen e sotme.
Nuk mungojnë as figura të njohura të futbollit shqiptar, si drejtori i Partizanit, Olsi Rama, presidenti i Tiranës, Refik Halili apo edhe presidenti i Skënderbeut, Ardjan Takaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
