Te Barcelona kanë zgjedhur Cristiano Ronaldon, për të dhënë një mesazh të mirë ndaj skuadrës. Ndonëse ka qenë një rival i urryer për tifozët e Barcelonës, emri i Ronaldos qëndron në dhomat e zhveshjes së skuadrës katalanase në stadiumin “Cam Nou”.
Lajmi kur Ronaldo rezultoi pozitiv me Covid-19 te Juventusi dhe do të mungonte në ndeshjen ndaj katalanasve, është i ngulitur në murin e dhomave të zhveshjes, të cilin lojtarët katalanas e shikojnë gjithmonë kur kanë ndeshje.
Arsyeja? Drejtuesit duan t’i japin një mesazh skuadrës, se edhe yjet e futbollit i prek Coronavirusi dhe për këtë arsye duhet të bëjnë kujdes. “Ronaldo është pozitiv me Covid-19 dhe është në dyshim për ndeshjen me Barcelonën”, lexohet në shkrimin e vendosur në mur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
