Për shkak të statusit dhe pasurisë që kanë sot futbollistët nëpër botë është e vështirë ti kontaktosh apo të realizosh me ta intervista. I pyetur nga drejtuesi i emisionit “Arnautistan” në MCN TV, Mustafa Nano nëse ka një kategori futbollistësh në Shqipëri të cilët është vështirë ti kontaktosh, gazetari i sportit Gerti Çarçani tha se në aspektin mediatik me Igli Taren e ka pasur të vështirë për shkak të angazhimit që tij profesional në Itali.
“Kontakti në aspektin mediatik me Igli Taren ka qenë i vështirë. Pozicioni i tij atje, raporti, drejtor i suksesshëm te Lacio. Me njerëz të tjerë, me pak punë dhe kontakte të vazhdueshme e kam arritur dhe nuk kam pasur vështirësi. Pozicioni i Iglit në futbollin italian është i rëndësishëm dhe ndryshon regjimi për ta shkëputur për ato pak ditë që vijnë në Shqipëri”, tha Çarçani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
