Milani po bën gati një ofertë për mesfushorin e Chelseat, Cesc Fabregas.
Sipas "Corriere dello Sport", Rossonerët janë të vendosur për të nënshkruar me spanjollin.
Nuk është hera e parë që ai pëlqehet nga Milani, por tash ka elemente që e bëjnë këtë transferim edhe më të mundshëm.
Futbollisti 31-vjeçar nuk është më i pëlqyeri te Chelsea dhe ai mund të largohet si agjent i lirë në fund të sezonit dhe Blutë janë të interesuar të përfitojnë prej tij në janar.
Maurizio Sarri nuk e pëlqen lojtarin dhe paraqitja e vetme e tij ishte në Superkupë ndaj Manchester Cityt.
Kontrata e 31-vjeçarit përfundon në qershorin e ardhshëm dhe "Blutë e Londrës" nuk besohet se do i bëjnë një rishikim kontratës së tij në "Stamford Brigde".
Për Fabregas do të ishte një përvojë e re në Serie A për karrierën e tij, i cili luajti vetëm për Barcelonën dhe Arsenalin përpara se të transferohej te Chelsea në vitin 2014.
Momentalisht Fabregas po vuan nga një dëmtim në gju, dëmtim që nuk e ka lejuar të debutojë ende në Premier League gjatë këtij sezoni. Me fanellën e Chelsea, Fabregas ka luajtur 133 takime duke shënuar 15 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
