Pavarësisht se kanë bërë një investim të fuqishëm në merkaton verore si përshembull me blerjen e Romelu Lukakut për 115 milionë euro , Chelsea kërkon të bëjë provën e fundit për të kompletuar organikën . Thomas Tuchel vazhdon të jetë i fokusuar tek dy elementë që kanë dhënë një kontribut të rëndësishëm në skuadrat e tyre respektive si Jules Kounde dhe Saul Niguez .
Manjati Roman Abramovich ka përgatitur 80 milionë euro për francezin ndërsa për mesfushorin e Atleticos ‘’ Blutë e Londrës ‘’ po mendojnë formulën e huazimit për një sezon për të analizuar adaptimin në skemat e trainerit gjerman .
Britanikëve do ti duhet një sforco e madhe për të rikonfirmuar dominimin edhe gjatë këtij sezoni sidomos në Uefa Champions League pa harruar as Premier Leaguen , kampionat ku do të luftojnë ashpër me kampionin në fuqi Manchester City-n me objektivin që ta ulin nga froni. Investimet e fuqishme të Roman Abramovich me kërkesën e ishi-t të Dortmundit mund të konsiderohen plotësisht të justifikueshme për arsye të suksesit të arritur por do të kenë një detyrë të vështirë për të mbajtur ritmin e sezonit të kaluar sepse kundërshtarët direktë janë përforcuar ndjeshëm në këtë merkato verore .
Pavarësisht se i mbeten edhe pak ditë për të arritur qëllimin , milionat e presidentit rus dhe sidomos fakti i të qënit kampion në fuqi i turneut më prestigjoz në kontinentin e vjetër mund të shërbejnë si motiv për Jules Kounde dhe Saul Niguez për të vendosur fillimin e një eksperience të re tek gjigandët e Premier Leagues .
Arritjet e deritanishme janë një sinjal për Pep Guardiolan se duhet të bëjë kujdes nga furia e londinezëve të cilët do të mundohen të shtojnë trofetë në vitrinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
