Aventura e Dejvi Bregut te Teuta duket se do të zgjasë vetëm një vit. Sipas raportimeve të fundit, thuhet se sulmuesi do të vazhdojë karrierën në Ligën e Parë turke.
Në Turqi bëjnë me dije se lojtari ka arritur marrëveshjen me skuadrën e Boluspor dhe nga sezoni i ardhshëm do të luajë aty. Pjesë e Boluspor është edhe portieri i Kombëtares, Gentian Selmani.
Bregu ishte lojtari kryesor i Teutës në sezonin që lamë pas, teksa me 16 golat e shënuar i dha një ndihmë të madhe durrsakëve për fitimin e titullit kampion. Mediat turke njoftojnë se marrëveshja mes palëve është arritur dhe tashmë pritet vetëm zyrtarizimi për kalimin e futbollistit vlonjat te Boluspor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
