Novruzaj: Merrem me sport që 6 vjeçe, jam kampionia e parë femër në historinë e Shqipërisë së boksit (VIDEO)

Pak kohë më parë Shqipëria rrëmbeu medaljen e bronzit në kampionatin europian U-23 në boks që u zhvillua në Sofje të Bullgarisë.

Për të folur më shumë për këtë në MCN Informacion e ftuar kampionia Esmeralda Novruzaj u shpreh se ka që në moshën 6 vjeç që merrem me sport dhe se boksi është një pasion i madh për të nga i cili nuk mund të shkëputet dot.

Ajo tha se stërvitet për më shumë se 4 orë në ditë, 6 herë në javë dhe se është kampionia e parë femër në historinë e Shqipërisë së boksit.

Sipas saj në fillim shumë persona nuk besuan tek ajo se do të fitonte medaljen, por që sot gëzon respektin e të gjithëve.

Është ndjesi e bukur të jesh kampione dhe merr goxha respekt, ajo ndjenja që ti inspiron të tjerët është një nga gjërat që ti ke vërtetë dëshirë të jesh kampione për të mos i lënë në baltë ata që besojnë tek ty.

Sportin e kam nisur që në moshën 6 vjeç me kikbox, ndërsa boksin 16 vjeçe, pra gati 17 vite që merrem me sport pa ndërprerje. Në fakt babi ka qenë ai që më ka futur në sportin e kikboks dhe duke u rritur me këtë sport ai u bë pjesë e jetës sime dhe nuk mund të shkëputem dot më prej tij.

Ka qenë e vështirë fillimisht sepse nuk ka pasur femra që të merreshin me këtë sport, e kam menduar disa herë që mund ta lë, por thjeshtë pasioni nuk më ka lejuar të shkëputem prej tij sepse e kam shumë pasion dhe stërvitem 2 herë në ditë, 6 herë në javë nga 2 orë paradite dhe pasdite, por ndryshojnë programet e stërvitjes sepse varet dhe nga ndeshjet.

Regjimi do thoja që është ai i çdo sporti, por në boks ka të bëjë shumë pjesa mentale, është pak më i vështirë se sportet e tjera sepse jo vetëm që bëjmë përgatitjen fizike si çdo sport tjetër, por kur mer goditje nis të ndjesh dobësinë në ring dhe normalisht kjo e veçon nga sportet e tjera.

Në Shqipëri në 2023 dola kampionia e vetme femër në boks, ndërsa në 2024 dola kampione pa kundërshtare fatkeqësisht në Shqipëri nuk ka dhe këtë shpresoj që të rritet numri i femrave në boks.

Besoj se shumë veta nuk kanë besuar tek unë se do merrja këtë medalje, por në fillimet e mia jam pritur gjithmonë me respekt dhe komuniteti i boksit ku unë stërvitem, janë shumë të respektueshëm dhe të dashur dhe s’kanë paragjykime.