Nuk kishte pritje më të bukur për Messin dhe blerjet e reja te skuadra e PSG. Në “Parc des Princes”, 48 mijë spektatorët i uruan mirëseardhjen në një ceremoni madhështore në shkallët e stadiumit, ndërsa në fushën e lojës, Mauro Icardi i përshëndeti me gol që në fillim të takimit ndaj Strassburg.
As vërshëllimat e publikut nuk e ndalën Kilian Mbappe, që shënoi edhe gol në fitoren që të zotët e shtëpisë morën me rezultatin 4-2 dhe tashmë udhëheqin klasifikimin pas dy ndeshjeve të para me 6 pikë.
Real Madrid dhe trajneri i saj Carlo Ancelotti e nisin me fitore të thellë rrugëtimin në La Liga. Në transfertën e Alaves, pjesa e parë përfundoi me rrjeta të paprekura, por në të dytën madrilenët shënuan 4 gola duke treguar tërë potencialin e tyre në fitoren 4-1. Një sukses që për futbollistin e “Los Blancos”, Nacho është vetëm fillimi.
“Jam i kënaqur për tre pikët. E nisëm me këmbë të mbarë sezonin e ri dhe shpresojmë të vazhdojmë sa më gjatë me paraqitje të tilla. E patëm të vështirë pjesën e parë, pasi kundërshtari luajti i tërhequr. Goli i parë na liroi dhe më pas gjithçka u bë më e thjeshtë.", tha Nacho.
Edhe në Gjermani Dortmund e nis me fitore sezonin e ri pasi triumfoi 5-2 me Eintracht Frankfurt. Reus, Hazard dhe Haaland realizuan tre gola në pjesën e parë, duke korrigjuar autogolin e Paslak, ndërkohë që Reyna dhe sërish Haaland shënuan edhe në fraksionin e dytë.
Në Angli Liverpool mori një fitore të pastër 3-0 në transfertën e Norwitch falë golave të Jota, Firminho dhe Salah. Skuadra e trajnerit Klopp bëri detyrën duke ruajtur hapin e Mnachester United dhe Chelsea që fituan në javën e parë të Premier Leagues angleze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
