Trajneri Nevil Dede ka thënë se Italia është e kompletuar në çdo repart. Në emisionin “Euro Zone” në MCN TV, Dede është shprehur gjithashtu se Berardi është zbulimi i këtij Europiani.
“Nuk mund të thuash ndeshje e lehtë. Kanë fitore në 10 ndeshjet e fundit. Italia krijon dhe shënon. Ka shumë alternativa. Kanë një grup shumë solid dhe nuk i mungon asnjë element. Pas Mbappe, mendoj se Spinazzola ka bërë vrapin më të shpejtë të Europianit. Berardi është zbulimi i këtij Europiani, ka dhënë 3 asiste. Ka një mesfushë për t’u admiruar, për mënyrën sesi e administrojnë ndeshjen. Gjithçka është në perfeksion te Italia. Kishin 3 goditje në portë dhe shënuan 3 herë” – u shpreh Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
