Icardi, opsion për Real Madridin

Pakënaqësia e Mauro Icardit në ‘’ Parque de Prince ‘’ vijon të jetë tejet evidente dhe  prej kohësh argjentinasi ka shprehur se kërkon ti japë lamtumirën Paris St Germain .

28 vjeçari shpreson tek aftësitë e agjenteve të tij të cilët janë vënë në dijeni nga golashënuesi i cili kërkon domosdoshmërisht ndërrimin e destinacionit pasi vuajtjet me ‘’ Les Pariziens ‘’ s’kanë të sosur .  Me tridentin e magjishëm Messi- Neymar – Mbappe është shumë e vështirë që të gjesh hapësira në skemat e Mauricio Pochettinos dhe Mauro Icardi mendon  se gjetja e një tjetër skuadre është shpëtimi i vetëm për karrierën .  

Sipas  ‘ Defensa Central ‘ dëshpërimi i golashënuesit bëhet edhe më i dukshëm me kalimin e ditëve dhe  ka shprehur se ëndërra e tij është transferimi tek Real Madridi .  Me Benzeman e dëmtuar dhe komponentët e tjerë të  sulmit që nuk kanë arritur akoma në nivelin që shpreson Carlo Ancelotti, ishi i Interit është një opsion ideal për ofensivën e ‘’ Galaktikëve ‘’.  

Lojtari nga Rosario është i gatshëm të bëjë një sakrificë  në lidhje me pagën vetëm për të udhëtuar drejt ‘’ Santiago Bernabeut ‘’ sepse e ka kuptuar se me kuq e blutë po humb kohë .

Duke iu referuar dëshirës së argjentinasit , ‘’ Los Blancos ‘’ e kanë dhënë verdiktin e tyre dhe i janë përgjigjur me ‘’ jo ‘’  kalimit të Mauro Icardit  për arsye të rendimentit të dobët dhe polemikave të shumta në të cilat është përfshirë në vitet e fundit .

Por eksperienca e akumuluar sidomos me zikaltërit parashikohet se nuk do ta lërë në baltë sepse është një sulmues tepër cilësor dhe sigurisht e ka asin nën mëngë sepse nuk e përjashton as transferimin në Premier League në klube si Arsenal , Tottenham Hotspur apo Newcastle që mbeten preferencat e tij . Vetëm 3 gola në 16 ndeshje janë statistika që e kanë dëmtuar figurën e Mauro Icardit i cili shpreson se merkatoja e janarit do të ketë një tjetër përmbajtje.