Pavarësisht humbjes në ndeshjen e parë në gjysmëfinale me rezultatin 0-2 ndaj Interit, ish-sulmuesi i Milanit, Andriy Shevchenko beson te përmbysja e rezultatit në ndeshjen e kthimit.
Ukrainasi deklaroi se në rast se Milani luan si në pjesën e dytë, i ka mundësitë për të përmbysur rezultatin dhe të shkojë në finalen e Champions League.
Unë jam pozitiv, duhet të harrojmë pjesën e parë. Në të dytën kishte reagim, me shpirtin dhe qëndrimin e duhur, me një plan ndeshje. Rikthimi duhet të jetë si pjesa e dytë, mund të luash shanset në atë mënyrë. Pioli ka shumë presion, por kam respekt për të.
Puna që ai bëri në Milano, me titullin dhe gjysmëfinalen e Champions League është pozitive. E njeh mirë ekipin, duhet t’i besojmë atij. Në kthim, duke luajtur si në të dytën, mund të ndodh gjithçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
