Cështja Depay ka marrë shumë rëndësi tek Barcelona . Hollandezi është një peticion i trainerit Ronald Koeman i cili i njeh me detaje cilësitë e 27 vjeçarit dhe është i ndërgjegjshëm për impaktin që do të shkaktonte në majën e sulmit të spanjollëve . Fakti i të qënit drejt përfundimit të kontratës me Lyonin i ka ardhur përshtat Barcelonës sepse nuk është e gatshme për të bërë investime të mëdha për të mos e përkeqësuar gjendjen ekonomike .
Sipas Mundodeportivos kuq e bluve i takon të buzëqeshin sepse negociatat ndërmjet palëve kanë avancuar dukshëm në favor të tyre dhe parashikohet se shumë shpejt do ti vërë këmbët në mitikun ‘’ Camp Nou ‘’.
Por kjo histori që është e një rëndësie të veçantë për Barcelonën është shoqëruar me dëshirën e Depay që ka të bëjë me një kontratë 2 vjeçare për të patur mundësinë të shijojë faktin e të qënit nën urdhërat e Ronald Koeman , trainer për të cilin gëzon një respekt shumë të madh sepse kanë përjetuar një eksperiencë të shkëlqyer tek Hollanda në të kaluarën . Ky lloj besimi evidenton se gjërat do të shkojnë shumë mirë për Memphis Depay tek Barcelona pa harruar se rivaliteti për një vend titullari është shumë i ashpër por nevoja e tyre e parakalon këtë fakt .
Me këtë vendim hollandezi do të ketë shumë liri në vijim sepse nëse do të zhvillojë një sezon pozitiv dhe ofertat drejt tij do të jenë interesante, mund të kërkojë pa problem largimin nga Katalunja për të filluar një tjetër sfidë në Europë. Ideja e Memphis Depay është pranuar nga drejtuesit e Barcelonës të cilët kanë fituar shumë terren në funksion të firmosjes me golashënuesin e Lyonit .
Kjo histori me siguri do ti motivojë për të përsëritur të njëjtën gjë me lojtarë të tjerë të kalibrit sepse objektivi i rikthimit në epokën e artë ka nevojë me padiskutim për një merkato shumë cilësore . Figura e Memphis Depay thekson një avantazh të madh për ofensivën e Barcelonës në të cilën do të gjente mbështetjen e yjeve si Lionel Messi dhe Ousmane Dembele .
22 gola dhe 12 asiste në 40 ndeshje janë statistika që s’harrohen lehtë sidomos nga skuadra që duan të rikapin majat në kontinentin e vjetër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
