Tashmë është zyrtare, Georginio Wijnaldum është lojtari më i ri i Paris Saint-German. Klubi francez nëpërmjet faqes zyrtare, ka njoftuar arritjen e marrëveshjes me mesfushorin e Liverpool.
Prej kohësh flitej se lojtari do të kalonte te Barcelona, si një dëshirë e madhe e trajnerit Koeman, por nuk ndodhi kështu. PSG ka arritur ta “rrëmbejë” lojtarin në momentet e fundit, duke e bindur të zbarkojë në “Parc de Prince”.
30-vjeçari fillimisht kishte dhënë miratimin për të kaluar te Barcelona dhe zyrtarizimi dukej çështje kohe, por milionat e dhëna nga francezët e kanë bërë atë të ndryshojë mendje. Wijnaldum-it i kishte përfunduar kontrata me Liverpool dhe kështu kalon te PSG si lojtar i lirë, ku ka firmosur kontratë 3-vjeçare, nga e cila do të përfitojë 9.5 milionë euro, gati trefishin e asaj që i ofronte Barcelona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
