Ernest Muçi ka gjetur rrugën e rrjetës ditën e sotme me skuadrën e Legia Warsaw në Poloni. Këta të fundit kanë mposhtur në miqësore Lechia Gdansk me rezultatin 3-2, aty ku një nga golat u shënua nga ish-sulmuesi i Tiranës.
Muçi shënoi golin e fundit për skuadrën e tij në minutën e 51 të takimit. Sulmuesi i Shpresave jep kështu shenja të mira, duke treguar se po ambientohet me Legian.
Kujtojmë se 20-vjeçari u largua nga Tirana në merkaton e dimrit, teksa kaloi në Poloni te Legia, aty ku në pjesën e dytë të sezonit nuk gjeti shumë hapësira, por shpreson që në sezonin tjetër trajneri t’i japë më shumë minuta, në mënyrë që ai të tregojë aftësitë e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
