Reparti i prapavijës do të jetë një ndër prioritetet e Barcelonës për merkaton vijuese.
Xavi Hernandez është i ndërgjegjshëm se duhet të shtojë impenjimin në funksion të përmirësimit në këtë aspekt dhe nuk e ka harruar në asnjë moment Javi Galan i cili përfaqëson Celta Vigon, për tu vënë në dispozicion kur Alejandro Balde s’do të jetë i diponueshëm për spanjollin.
27 vjeçari është i preferuari i ish mesfushorit dhe parashikohet se ky operacion nuk do ti krijojë shumë probleme ‘’ Los Cules ‘’ pasi vlera e kartonit të tij arrin 10 milionë eurot, shifër lehtësisht e përballueshme nga Joan Laporta.
E ardhmja e Jordi Albas dhe Marcos Alonsos prej kohësh vijon e pasigurtë në magjikun ‘’ Camp Nou ‘’ dhe Javi Galan është pjesë e revolucionit, me anë të cilit Barcelona do të tentojë të rifitojë vlerat e humbura dhe të rikthehet aty ku e meriton.
Në njëfarë mënyre , sidomos kur flitet për mbrojtjen , transferimet e Barcelonës mund të konsiderohen të detyrueshme sepse mbetet reparti më difektoz , rendimenti i të cilit ka ndikuar në rezultatet jo të mira të katalanasve , në Spanjë dhe Champions League , kompeticion të cilit i tha lamtumirë në fazën e grupeve.
Kontrata e Javi Galan me bardhekaltërit përfundon në 30 qershorin e 2026-tës por vlera e përcaktuar , shtuar interesin e Barcelonës , nje klub i cili ëndërrohet nga çdo lojtar, mund të rezultojnë arsye të mjaftueshme për tu larguar nga ‘’ Balaidos ‘’ në merkaton vijuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
