Duke qenë se jemi drejt fundit të sezonit, ekipet vijojnë përgatitjen për merkaton e verës, shumë e rëndësishme për të ardhmen.
Arsenali i Mikel Artetas besohet se do të jetë një ndër protagonistët, ekip që vijon të kryesojë me shumë meritë në Premier League dhe është afër rikthimit tek titulli kampion.
Londinezët nuk e fitojnë kampionatin që prej sezonit 2003-2004 dhe nëse s’do të gabojnë në javët e mbetura do ta thyejnë akullin në një ndër ligat më të rëndësishme të Europës.
Një ndër objektivat e spanjollit është bashkombasi Eric Garcia, i cili në të kaluarën u aktivizua me Manchester City-n dhe kontrata me Barcelonën i përfundon në 2026-tën.
Mendohet se do të jetë një akord i vështirë për tu arritur nga ‘’ Topchinjtë ‘’ për arsye të rëndësisë së mbrojtësit tek kuq e blutë , tek i cili spikat përshtatja në disa pozicione, fakt që e bën edhe më tërheqëse figurën e tij.
Erik Garcia i ka treguar aftësitë si nga krahët ashtu edhe në qendrën e mbrojtjes, por sigurisht pritet një analizë e detajuar nga ana e ‘’ Blaugranëve ‘’ për largimin ose jo nga ‘’ Camp Nou ‘’ të 22 vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
