Ecuria shumë e mirë me Bayern Muchenin e ka shëndërruar Michael Olisen në një lojtar të pretenduar referuar merkatos së verës.
Mesfushori i ka dhënë një impakt lojës së bavarezëve, një ndër ekipet më të frikshëm në Gjermani dhe Europë.
Por interesi i ekipeve të elitës sigurisht është i pashmangshëm dhe tashmë për 24 vjeçarin ka ndezur motorrët Real Madridi.
Përballë ‘’ Galaktikëve ‘’ pa dyshim çdo lojtar tundohet dhe presidenti Florentino Perez ka deklaruar se është i gatshëm të ofrojë rreth 150 milionë euro.
Kjo shifër pa dyshim pritet të merret në shqyrtim nga krerët e gjigandëve të Bundesligës pavarësisht rëndësisë së Michael Olises në 11-shen e Vincent Kompany-t.
Janë bërë dy sezone përfshirë aktualin në ‘’ Allianz Arena ‘’ dhe progresi i këtij lojtari nuk ka nevojë për koment.
Në aktualin numëron 18 gola dhe 27 asiste në 44 sfida, një statistikë e cila kurrsesi s'duhet të anashkalohet.
Interesi i ‘’ Los Blancos ‘’ përbën një vlerë të shtuar për çdo lojtar duke qenë se për shumicën transferimi në ‘’ Santiago Bernabeu ‘’ vijon të jetë një objektiv i hershëm.
Besohet se influenca e Kylian Mbappes mund të ndikojë në vendimarrjen e ishi-t të Crystal Palaces dhe nëse do të jetë kështu sigurisht ish fituesit e Champions Leagues mund të shëndërrohen në të papërballueshëm referuar ofensivës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
