Pavarësisht tundimeve në kohët e fundit Fermin Lopez thuhet se do të vijojë tek Barcelona.
Manchester United ia ka hapur dyert e ‘’ Old Traffordit ‘’ mesfushorit, sipas raportimeve të ‘ Radio Marcas ‘.
Por gjithsesi 23 vjeçari dëshiron të përfaqësojë për më tej ‘’ Blaugranët ‘’ i cili po fiton peshë në skemat e Hansi Flickut.
Ecuria shumë e mirë me kuq e blutë e ka bindur edhe Luis de la Fuenten i cili e ka grumbulluar në ndeshjet e fundit të Spanjës.
Në 30 qershorin e 2031-shit i përfundon kontrata me katalanasit, periudhë e mjaftueshme për tu konsoliduar në formacionin titullar.
Edhe pse potenciali i ‘’ Djajëve të Kuq ‘’ në aspektin ekonomik është i konsiderushëm nuk shikohet si kërcënim nga ana e drejtuesve të Barcelonës.
Premier League ndër vite është konsideruar një destinacion i preferuar për shumë lojtarë por ky nuk është rasti i Fermin Lopezit.
Për të janë bërë katër sezone përfshirë aktualin në ekipin e parë, i cili ka patur një rritje progresive në çdo aspekt.
5 gola dhe 4 asiste në 12 sfida referuar sezonit që po luhet demostrojnë edhe njëherë se andaluzi po përjeton një moment ideal tek ish kampionët e Champions Leagues.
Por përveç Fermin Lopez gjigandët britanikë janë interesuar edhe për Pablo Barrios duke qenë se traineri Michael Carrick medoemos synon të përforcojë repartin e mesfushës.
E sigurtë është se 20 herë kampionët e Premier Leagues do ta kenë shumë të vështirë ta arrijnë objektivin, marrë parasysh edhe periudhën që po përjeton golashënuesi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
