Si në çdo merkato tjetër, drejtuesit e Barcelonës i kanë kaluar kufinjtë duke qenë se Amerika e Jugut është shquar gjithmonë për prodhimin e talentëve, të cilët në të kaluarën kanë lënë gjurmë në kontinentin e vjetër. Këtë herë ‘’ Blaugranët ‘’ kanë zgjedhur Ekuadorin , konkretisht Liga de Quiton, me të cilën aktivizohet Oscar Zambrano. Gjatë Botërorit U 20 , të cilin e fitoi Uruguay, kombëtarja ‘’ Trikolor ‘’ u eleminua në fazën e 1/8-tave por gjithsesi mesfushori impresionoi me rendimentin në fushën e lojës dhe tanimë , sipas ‘ Mundodeportivos ‘ , spanjollët kanë nisur negociatat me ekuadorianët. Sigurisht 19 vjeçari nuk do ti bashkohej menjëherë skuadrës së parë por do të aktivizohej me akademinë ose një opsion tjetër do të ishte huazimi. Pas Moises Caicedos , i pretenduar nga disa klube me emër , Oscar Zambrano konsiderohet një ndër lojtarët e të ardhmes në këtë shtet dhe transferimi në Europë do të rikonfirmonte vlerat e padiskutueshme të lojtarit nga Santo Domingo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
