Tetova: Fitorja na kënaq, pjesën e dytë e kërkova unë në ekuilibër

Trajneri i Egnatias, Edlir Tetova, foli për MCN TV, pas ndeshjes, ku skuadra e tij fitoi minimalisht ndaj Kukësit.

Tetova tha se kundërshtari ra në grackën e rrogozhinasve, ndërsa shtoi se tërheqja në pjesën e dytë, ishte me kërkesë të tij.

Ishte një ndeshje që ne e menaxhuam mirë që në fillim. Me atë që dhanë çunat mendoj se ishte rezultat i mirë dhe që na kënaq. Nuk ishte 100% ajo lojë që ne bëjmë gjithmonë. Një pjesë e parë me lojë të mirë, ndërsa pjesa e dytë ishte me më shumë ekuilibër, diçka që e kërkova unë.

Jo për “Final Four”, por po përgatis ekipin për kundërshtarin e radhës. Sot e mbajta ekipin 70 metra dhe poshtë pasi Kukësi kërkonte 3 pikëshin edhe sot si në dy ndeshjet e fundit. Kjo e bëri që Kukësi të binte në grackën tonë.

Duhet të kenë kujdes pasi jemi pjesë e kampionatit si gjithë ekipet e tjera. Kemi kaluar oshilacione, por edhe siç kemi qenë prodhues kemi pasur edhe ndeshje me pikë edhe pa pikë. Ideja është që ekipi duhet të prodhojë përsëri. Nëse nuk e çoj ekipin drejt saj, për mua është problem.