Ofensiva e drejtuesve të Real Madridit në lidhje me përforcimin e prapavijës vijon.
‘’ Galaktikët ‘’ kanë patur në sezon me shumë luhatje në këtë aspekt, të cilët po japin maksimumin për të gjetur zgjidhet e duhura.
Konstantinos Koulierakis është bërë pjesë e listës së kryeqytetasve të cilët natyrisht do të jenë një ndër protagonistët e kësaj merkatoje.
22 vjeçari ka bërë paraqitje të një niveli impresionues dhe mund të transferohet në ‘’ Santiago Bernabeu ‘’ për afro 30 milionë euro.
Florentino Perezin e pret një sfidë jo e lehtë duke qenë se është i ndërgjegjshëm se tek ‘’ Los Blancos ‘’ duhen ndërhyrje emergjente.
Për më tepër rënia e Wolfsburgut pas shumë kohësh në kategorinë e dytë pritet të ndikojë në vendimarrjen e disa lojtarëve.
Në rastin konkret interesi i Real Madridit përbën një vlerësim dhe avantazh për karrierën e grekut, kontrata e të cilit me Wolfsburgun skadon në 2029-tën.
Kalimi nga Paoku tek gjermanët e ndihmoi të tregonte rëndësinë e tij dhe tashmë sakrificat i janë shpërblyer maksimalisht duke qenë se flitet për ‘’ Los Merengues ‘’, një ndër klubet më të suksesshëm dhe të fuqishëm në aspektin ekonomik.
Krerët e ish kampionëve të Champions Leagues kërkojnë lojtarë të rinj, të cilët do të mund ti përfaqësojnë në të ardhmen e afërt denjësisht në të gjitha kompeticionet.
Situata e Wolfsburgut është tejet e komplikuar, fakt i cili mund t’ia lehtësojë largimin nga ‘’ Volswagen- Arena ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
