Ndëshkimeve të policisë angleze nuk i ka shpëtuar as mesfushori i Liverpulit, Roberto Firmino. 25-vjeçari është arrestura nga policia e Merseisajd me akuzën se ka qenë duke lëvizur me makinën e tij në gjendje të dehur.
Sipas njoftimit zyrtar, ai është ndaluar nga patrullat e policisë në orët e para të mëngjesit të 24 dhjetorit, në qendër të qytetit të Liverpulit. Futbollisti është lënë i lirë, por do të duhet të dalë para gjykatësve për të marrë dënimin e tij më 31 janar.
Nuk dihen ende rrethanat e këtij incidenti, por ai mund t’i shkaktojë Liverpulit probleme në të ardhmen.
Kjo është e njëjta datë kur Liverpuli do të përballet me Çelsin në “Anfield” për kampionatin anglez dhe ai mund të mungojë në këtë duel të rëndësishëm në luftën për titull.
Roberto Firmino u ble nga Hofenhaim në verën e vitit 2015 për 29 milion paund. Që nga ai moment, ai ka shënuar 17 gola në 67 ndeshje me ekipin anglez, duke u kthyer në një nga pikat më të forta të tij nën drejtimin e Jurgen Klop.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
