Sheiku Al Rumayyan nuk di të ndalet dhe vijon ta ketë të hapur thesin për të lartësuar figurën e Newcastle United .
Bardhezinjtë po e marrin veten dhe janë shkëputur ndjeshëm nga zona e ftohtë në renditje , me 5 fitore jetike në 7 ndeshjet e fundit të cilat kanë rikthyer shpresën në ‘’ St James Park ‘’.
Ndërhyrjet e janarit kanë zhbllokuar këtë Newcaslte që synon të jetë rivali i dikurshëm që ishte pjesëmarrës i rregullt në Champions League dhe luftonte ashpër me më të fortët e Premier Leagues .
Eddie Howe i ka bërë peticionin e rradhës pronarit arab dhe bëhet fjalë për Antonio Rudiger .
Sipas ‘’ The Telegraph ‘’ edhe Real Madridi me Paris St Germain po mundohen ta largojnë nga ‘’ Stamford Bridge ‘’ por dështimi me Diego Carlosin e ka përshpejtuar aksionin për të firmosur me gjermanin.
Pjesa më e rëndësishme e historisë konsiston në kërkesat e 28 vjeçarit të cilat kanë rezultuar barriera kryesore e Chelseas sepse sipas medias britanike Antonio Rudiger pretendon 240 mijë euro në javë , shifër për të cilën fituesit e Champions Leagues akoma nuk janë përgjigjur .
Objektivi i Thomas Tuchel është qëndrimi i lojtarëve kyç për të evituar krijimin e boshllëqeve sepse mund të ndikojnë tek performanca e mëtejshme e ‘’ Bluve të Londrës ‘’ dhe mosarritja e akordit me Antonio Rudiger do ti vështirësonte gjërat për djemtë e ishi-t të Borussia Dortmundit .
Chelsea mbetet rivali për tu mundur në Champions League sepse në Premier League vijon t’ia lërë stafetën Manchester City-t por Newcastle nuk mendon të ndalet deri sa të kompletohet e më pas të bëhet pjesë e elitës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
