Rindërtimi i Arsenalit ka filluar tashmë, skuadër e cila po e reflekton potencialin në Premier League.
‘’ Topchinjtë ‘’ po luftojnë për fitimin e kampionatit, edhe pse do të jetë e vështirë ta ulin nga froni Manchester City-n, me të cilin i ndajnë vetëm dy pikë.
Traineri Mikel Arteta po i bën llogaritë edhe për merkaton e verës dhe një ndër objektivat është Martin Zubimendi.
Mesfushori ofron garanci për të ardhmen dhe momentalisht konsiderohet ndër më të mirët tek Real Sociedadi.
Për largimin e mundshëm nga ‘’ Reale Arena ‘’ drejtuesit e ‘’ Los Txiuriurdines ‘’ pretendojnë mbi 60 milionë euro, shifër e justifikuar nga rendimenti i 25 vjeçarit në sezonet e fundit.
Nuk është hera e parë që londinezët e synojnë Martin Zubimendin, një lojtar stabël edhe tek Spanja e Luis de la Fuentes.
Ylli i bardhebluve besohet se do të jetë një ndër protagonistët e merkatos së verës, të cilin e presin sfida të vështira, si përshembull Europiani, kompeticion që do të zhvillohet në Gjermani.
‘’ The Gunners ‘’ nuk janë më ai ekipi i disa viteve më përpara, i cili do të rikthehet në Champions League por s’përjashtohet fitimi i një ndër pesë ligave më të rëndësishme të Europës dhe kualifikimi në gjysëmfinalet e kompeticionit më prestigjoz për klube në sezonin aktual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
