Tashmë dihet se Toni Kross dhe Luka Modriç janë drejt varjes së këpucëve në gozhdë dhe drejtuesit e Real Madridit kanë filluar të mendojnë për një revolucion në mesfushë.
Xabi Alonso e njeh më mirë se kushdo këtë pozicion dhe po analizon disa alternativa në lidhje me të ardhmen e afërt. Një ndër elementët që më tepër e ka bindur është Angelo Stiller, aktualisht pjesë e Stuttgartit.
Krerët e ‘’ Los Merengues ‘’ po e studiojnë me detaje këtë rast, për të cilin thuhet se vlera e prishjes së kontratës me gjermanët arrin 36-40 milionë eurot.
23 vjeçari është në një moment tejet pozitiv në karrierë, i cili po avancon me hapa të sigurtë, pjesë e Stuttgartit prej dy sezonesh.
Ishi i Bayern Munchenit sigurisht vijon të jetë i entuziazmuar sepse interesi i një gjigandi si ‘’ Los Blancos ‘’ të afron pa dyshim me titujt individualë dhe kolektivë në vijimësi dhe ka deklaruar kështu:
“ Një kalim tek Real Madridi do të ishte një mundësi shumë e mirë për karrierën time ‘’, përfundoi Angelo Stiller.
Sipas ‘ Defensa Central ‘, për një klub si Real Madridi shifra që pretendon presidenti i Stuttgartit Dietmar Allgaier është mëse e përballueshme por duhet theksuar se pretendentët nuk kanë munguar as nga Premier League.
Të zëvëndësosh Toni Krossin dhe Luka Modriçin është shumë e vështirë por siç dihet çdo fillim e ka edhe një fund dhe kryeqytetasve i duhet me patjetër ta zgjidhin këtë situatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
