Mungesa e titujve tek Juventusi me kohë është pasuar nga zërat për një largim të mundshëm të Massimilliano Allegrit në një të ardhme të afërt.
Tek ‘’ Zonja e Vjetër ‘’ ka filluar puna për gjetjen e një tjetër traineri për arsye se italiani mund të largohet nga ‘’ Allianz Stadium ‘’ në fundin e sezonit.
Humbja e protagonizmit në vitet e fundit, sidomos në Serinë A, duket se do t’ia vërë pikën eksperiencës së 56 vjeçarit në Torino.
Ndërkohë, emri që po përflitet më së shumti në kampin e bardhezinjve është ai i Thiago Mottas, i cili në sezonin aktual po impresionon me Bolognan, skuadër që renditet në vendin e katërt momentalisht.
41 vjeçari po shpalos potencialin tek kuq e blutë, kandidatë për pjesëmarrjen në Europë në sezonin vijues.
Megjithatë, ishi i Milanit do të mbetet një figurë shumë e rëndësishme tek ish rekordmenët e Scudettos, i cili i dërgoi drejt fitimit të titujve në të kaluarën, kryesisht në Itali.
Për ish mesfushorin e Barcelonës mund të thuhet se e ka zhvilluar karrierën si trainer vetëm në Itali, fillimisht tek Spezia, Genoa dhe tanimë tek Bologna, një rival që po impresionon në një ndër pesë kampionatet më të rëndësishëm të Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
