Ecuria shumë e mirë me Rayo Vallecanon e ka shëndërruar në një objektiv të Barcelonës Andrei Ratiun.
Anësori ka avancuar me spanjollët, edhe pse konsiderohen një ekip mesatar në La Liga.
26 vjeçari shikohet si një opsion në lidhje me merkaton vijuese, referuar një pozicioni në të cilin për hir të së vërtetës katalanasit kanë patur ulje-ngritje të vazhdueshme në vitet e fundit.
Rumuni spikat për inkursionet e shpeshta drejt ofensivës dhe ka rezultuar tejet efikas në prapavijë duke i dhënë siguri kësaj skuadre.
Megjithatë, drejtuesit nga Vallecas ende nuk janë shprehur në lidhje me interesin e ‘’ Los Cules ‘’, të cilët parashikohet se së shpejti do ta thonë fjalën e tyre.
Besohet se negociatat mund të intensifikohen në vijimësi pasi edhe traineri Hansi Flick e ka dhënë konfirmimin për transferimin e Andrei Ratiu-t në ‘’ Camp Nou ‘’.
Për ishi-n e Villareal sigurisht është një vlerësim pasi Barcelona mbetet një kockë e fortë në Spanjë dhe Europë pavarësisht se aktualisht nuk është ekipi i dikurshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
