Çështja "Kane" tek Tottenhami vazhdon të marrë shumë vëmëndje me kalimin e ditëve. Së fundmi golashënuesi ka marrë një vendim që krijon automatikisht një lloj tensioni tek londinezët . Siç njihet botërisht për urinë e madhe për sukses "Uragani" i ka bërë me dije numrit një të presidencës Daniel Levy-t se largimi ose jo nga "White Hart Lane" do të varet nga pjesëmarrja e "Spursave" në Champions League gjatë sezonit të ardhshëm.
Me këtë vendim, sulmuesi i lindur në Londër jo vetëm që krijon pikpyetje të vazhdueshme por ia shton motivimin Tottenham Hotspurit për arritjen e këtij objektivi në javët e mbetura të Premier Leagues. Megjithatë nëse flitet në lidhje me respektimin e termave të kontratës së firmosur nga të dyja palët , Harry Kane-s i mbetet një kohë e mjaftueshme në gjirin e anglezëve sepse teorikisht do ti vërë pikën kësaj eksperience në qershorin e 2024- tës , por kështu siç kanë vijuar gjërat parashikohet se kjo rrugë do të jetë shumë e komplikuar për tu realizuar .
Rivaliteti i jashtëzakonshëm në Premier League sidomos gjatë këtij sezoni krijon dyshime të mëdha për të ardhmen e kësaj çështje por në të njëjtën kohë e bën më interesante historinë drejt akordit të preferuar të Tottenhamit me një sulmues që ka arritur statistika tepër entuaziasmuese deri në këtë fazë të sezonit me 29 gola dhe 16 asiste në 41 ndeshjet nën drejtimin e të famshmit Jose Mourinho .
Një fakt që duhet të analizohet me kujdes nga 2 here kampionët e Premier Leagues është se Real Madridi vazhdon të qëndrojë i paluhatur në idenë e transferimit të Harry Kane në ‘’ Santiago Bernabeu ‘’ gjatë verës , operacion që në rast se do të ketë një fund të lumtur do të konsiderohej pa pikë dyshimi si një ndër më të bujshmit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
