Pavarësisht se merkatoja ka përfunduar , Lazio nën drejtimin e Maurizio Sarrit akoma vijon kërkimin e lojtarëve interesantë të cilëve i ka përfunduar kontrata me ekipet e tyre. Një ndër to është mbrojtësi David Luiz , një opsion i vlefshëm për prapavijën e bardhekaltërve sepse nuk ka firmosur me asnjë klub që prej përfundimit të kontratës me Arsenalin në 30 qershorin e kaluar .
Sipas Tuttosport traineri italian e vlerëson shumë 34 vjecarin dhe i njeh me detaje cilësitë e tij për arsye se e kishte nën drejtim tek Chelsea dhe me eksperiencën e madhe mbi supe do ti vinte në ndihmë defensivës kryeqytetase në këtë sezon që parashikohet me shumë emocionues .
Megjithatë ashtu siç ndodh pothuajse gjithmonë problemi qëndron tek paga e David Luiz i cili përfitoi tek ‘’ The Gunners ‘’ në sezonin e fundit 6.5 milionë euro, e cila konsiderohet e papërballueshme nga drejtuesit lacialë .
Zgjidhja e vetme lidhet me dëshirën e mbrojtësit nga Sao Paolo për tu bërë pjesë e Serisë A dhe në rast se kjo gjë do të ndodhë do ti duhej të bënte një sakrificë për sa i përket pagës .
Transferimi i mundshëm në ‘’ Olimpico ‘’ do ti jepte shansin David Luiz për të provuar veten në një kampionat ndryshe dhe në Europa League , kompeticion që konsiderohet i dyti për nga rëndësia në kontinentin e vjetër me një skuadër që është një kockë e fortë për tu thyer .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
