Gjatë kësaj merkatoje verore pa dyshim do të zhvillohen disa supersfida për lojtarët më të mirë në qarkullim.
Ky fakt është i paevitueshëm dhe dy ndër ekipet e përfshira do të jenë Arsenali dhe Atletico Madridi.
Si ‘’ Topchinjtë ‘’ ashtu edhe ‘’ Los Colchoneros ‘’ duhet medoemos të përforcojnë repartin e mesfushës dhe i zgjedhuri i tyre në këtë rast është Noni Madueke.
23 vjeçari ka lënë gjurmë tek Chelsea dhe Diego Simeone bashkë me Mikel Artetan e dëshirojnë në skuadrat e tyre.
Referuar trainerit spanjoll duhet thënë se e ka ndjekur nga afër pasi e ka patur rival në të shkuarën e afërt dhe i njeh me imtësi cilësitë e britanikut.
Thuhet se drejtuesit e ‘’ Bluve të Londrës ‘’ nuk do ta pengojnë largimin e Noni Maduekes nga ‘’ Stamford Bridge ‘’, duke qenë se nuk ka patur ecurinë e pritur nga numri një i stolit.
Por, spanjollët s’duhen nënvlerësuar në asnjë rast pasi janë një ekip shumë cilësor dhe i fuqishëm në aspektin ekonomik, ç’ka do të thotë se kanë shanse për të firmosur me ishi-n e Psv Eindhovenit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
