Situata e Barcelonës në lidhje me trainerin Ronald Koeman nuk do të rezultojë edhe aq e lehtë për tu zgjidhur . Hollandezi i ka përcaktuar shumë mirë termat e kontratës me presidentin e mëparshëm të katalanasve Josep Maria Bartomeu por drejtuesit e kuq e bluve nuk janë të kënaqur me performacën e 58 vjeçarit .
Më e rëndësishmja në këtë histori është se nëse spanjollët do të vendosin ti përfundojnë lidhjet me trainerin e mirënjohur do të detyrohen ti paguajnë 13 milionë euro për prishjen e kontratës , shifër e cila sipas As mund të rritet me 6 milionë të tjera .
Rastësia në këtë histori është se shuma e lartpërmendur u desh të paguhej nga ishi-i i kombëtares së ‘’ Tulipanëve ‘’ në federatën hollandeze në momentin që vendosi të niste eksperiencën me ‘’ Los Cules ‘’.
Ky fakt i vë me shpatulla pas muri drejtuesit e ‘’ Blaugranëve ‘’ të cilët vijojnë tentativat për gjetjen e një traineri që garanton sukseset që i kanë munguar Barcelonës me Ronald Koeman në stol .
Kjo situatë ka gjeneruar mjaft problematika tek kjo skuadër e cila është në rindërtim e sipër , sidomos me largimin e yllit argjentinas Lionel Messi , mungesa e të cilit vijon të ndjehet shumë në kampin katalanas .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
