Tek Juventusi kanë ndryshuar shumë gjëra në sezonin aktual, ekip i cili e finalizoi sezonin të paktën me një sukses, fitimin e Kupës së Italisë.
Pritet që e ardhmja e disa komponentëve, përfshirë trainerin Massimilliano Allegri të ndryshojë gjatë merkatos së verës, shtuar edhe ajo e Adrien Rabiot.
Francezi e përfundon kontratën me ‘’ Zonjën e Vjetër ‘’ në 30 qershor dhe negociatat për rinovimin e saj janë në zhvillim e sipër.
Megjithatë, nëse numri një i stolit do të qëndrojë në Torino, sipas ‘ Tuttosport ‘ ishi i Paris St Germain do të vijojë të jetë pjesë e ish rekordmenëve të Serisë A.
Arsyeja lidhet me adaptimin e Adrien Rabiot në skemat e këtij traineri, i cili ka lënë gjurmë me italianët në të kaluarën.
Por, s’duhet përjashtuar mundësia se Thiago Motta mund të marrë drejtimin e Juventusit dhe natyrisht situata e lojtarit në fjalë mund të ndryshojë tërësisht.
Braziliani ka shkruar historinë me Bolognan, ekip i kualifikuar në Champions League në sezonin vijues, i cili ka impresionuar në një ndër pesë kampionatet më prestigjozë të Europës.
Sezoni aktual është i pesti për Adrien Rabiot tek Juventusi, ekip me të cilin ka shënuar 5 gola dhe ka kontribuar me 3 asiste në 31 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
