Mesfushori shqiptar, Ergys Kaçe, ka ndryshuar sërish ekip. Korçari është prezantuar së fundmi, te skuadra e Kalamata në Ligën e Dytë në Greqi.
Ishte vetë klubi grek, që nëpërmjet një postimi në rrjetet sociale, ka njoftuar firmën me Kaçen.
30-vjeçari shihet si një afrim i rëndësishëm, pasi e njeh mirë kampionatin helen, aty ku ka luajtur me skuadra të ndryshme. Së fundmi, mesfushori ishte pjesë e Eolikos, ku nuk arriti të lërë shenjë dhe për këtë arsye, vendosir të ndryshojë ambient.
Në të kaluarën, Kaçe ka luajtur me disa ekipe të mëdha në Greqi, si Aris, Paok dhe Panathinaikos, ndërsa luajti edhe me Partizanin në Shqipëri, por ishte larg pritshmërive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
