Klopp mbron lojtarin e Liverpool: Nuk mund t’i pranoj kritikat, ma thoni në sy

Trent Alexander Arnold është një nga mbrojtësit e djathtë më të spikatur në botë, për shkak të aftësive të shkëlqyera në fazën e sulmit.

Megjithatë kritikat nuk mungojnë as për lojtarin anglez, në lidhje me aftësitë e tij mbrojtëse. Në lidhje me këtë, ka folur edhe Klopp, i cili menjëherë ka dalë në mbrojtje të lojtarit të tij.

Nëse dikush thotë se Arnold nuk mund të mbrojë, atëherë mund të vijë dhe të ma thotë në sy.

Gjithsesi u them se do ta shtrij në tokë me një goditje. Nuk mund të vazhdoj dhe t’i dëgjoj këto kritika, nuk e di se çfarë duhet të bëjë më shumë në fushë djaloshi. Trent bëri një punë shumë të mirë ndaj një kundërshtari të sikletshëm si Martinelli.