Pavarësisht se së fundmi e ka rinovuar kontratën me Interin , Juventusi vijon të besojë se do ta arrijë akordin me Marcelo Brozovic në merkaton e verës.
Drejtuesit e ‘’ Zonjës së Vjetër ‘’ e konsiderojnë një opsion ideal kroatin për mesfushën , i cili nuk e ka të garantuar të ardhmen në ‘’ Giusseppe Meazza ‘’.
Pikërisht ky fakt ia mban ndezur shpresat torinezëve për 30 vjeçarin, rendimenti i të cilit ka ardhur në rënie tek zikaltërit në vitet e fundit.
Por s’mbaron me kaq sepse edhe Manchester United dhe Paris St Germain e kanë në listë ishi-n e Dinamo Zagrebit , për të cilin ky sezon është i nënti në rradhët e Interit dhe gjatë eksperiencës në Milano ka lënë për të kuptuar se ish fituesit e Scudettos nuk gabuan në të kaluarën me blerjen e tij.
Interesi i ‘’ Djajëve të Kuq ‘’ dhe ‘’ Les Pariziens ‘’ konsiderohet një kërcënim për Juventusin për arsye të potencialit në aspektin ekonomik por skuadra e Massimilliano Allegrit nuk do të dorëzohet pasi prioriteti i saj është rikthimi në atë rivalin që bënte ligjin në Itali, pa mënjanuar kompeticionet europiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
