Evolucioni i mesfushorit të Leipzigut Marcel Sabitzer e ka favorizuar ndjeshëm të ardhmen e tij . Austriaku është paraqitur në një nivel impresionues me Leipzigun fakt që i shërbeu për të qenë një ndër të përzgjedhurit e Franco Fodas në Europianin që po zhvillohet . Gjermanët janë dobësuar paksa me largimin e Julian Nagelsmann , Dayot Upamencanos , Ibrahima Konates dhe Timo Werner dhe parashikohet se do të vënë barrierat përkatëse për të mos përsëritur historinë me 27 vjeçarin .
Në skenë ka dalë emri i Milanit , skuadër që zhvilloi një sezon të mrekullueshëm me anë të cilit do të shijojë përsëri emocionet e papërshkrueshme që të dhuron Champions League . Gjithsesi ashtu siç ndodh rëndomtë me lojtarë të spikatur , për Marcel Sabitzer do të luftojnë fuqishëm edhe Borussia Dortmundi me Tottenham Hotspurin por sipas gjermanes Bild italianët janë më të avantazhuar për perlën austriake . Objektivi kryesor i lojtarit nga Wels është aktivizimi në kompeticionin më të rëndësishëm europian dhe ia ka mbyllur dyert rinovimit të kontratës me Leipzigun .
Largimi i Hakan Calhanoglu ka krijuar shumë boshllëk në skemat e Stefano Piolit dhe Milani kërkon ta rikompensojë me këtë lojtar që ka lënë mbresa me një ekip që cilësohet ndër më të fortit e Bundesligës .
Megjithatë një ndër ekipet më të famshëm në histori nuk e ka lënë me kaq nëse i referohemi merkatos dhe mund te thuhet se paraprakisht gjigandët e Scudettos kanë analizuar edhe emrat e James Rodriguez , Ziyech dhe Damsgaard por Stefano Pioli e ka klasifikuar Marcel Sabitzer si favorit për tu bërë pjesë e ‘’ Rossonerove ‘’ .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
