Partizani luan sot ndeshjen e parë eliminatore të raundit të tretë kualifikues të Uefa Conference League.
Sfida përballë letonezëve të Valmierës do të transmetohet në orën 19:00 në MCN TV.
Të besuarit e Zoran Zekiç do të kërkojnë një rezultat pozitiv në transfertë, për të synuar mandej kualifikimin në ndeshjen që do të luhet në Shqipëri.
Kujtojmë që përballja e kthimit do të luhet më 17 gusht në stadiumin “Elbasan Arena”.
Nëse “të kuqtë” ia dalin të kualifikohen do të presin një “biletë” për në play off-in e Conference League, ku do të gjejnë humbësin në përballjen Astana-Ludogoretes.
Partizani vjen në këtë përballje pasi kaloi me sukses në raundin e dytë të Conference League ekipin modest të Escalades.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
