Mbrojtësi Giorgio Chiellini, ka vendosur të tërhiqet nga futbolli i luajtur. Sipas mediave të hguaja, italiani e ka marrë vendimin dhe pritet ta njoftojë në orët e ardhshme.
Në dy sezonet e fundit, 39-vjeçari, ishte pjesë e Los Angeles në SHBA. Chiellini e nisi karrierën te Livorno, për të vazhduar më pas te Fiorentina dhe vetëm një vit më vonë kaloi te Juventusi, aty ku qëndroi për plot 17 sezone.
Përsa i përket trofeve, në karrierën e tij, Chiellini ka fituar plot 9 herë titullin kampion të Serie A, 5 Kupa të Italisë, 5 Superkupa të Italisë, 1 titull të Serie B, 1 titull të Serie C, 1 titull kampion në MLS, 1 Superkupë në SHBA, 1 Evropian për moshat U19, si dhe Evropianin për të rritur në vitin 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
