Në orët e fundit drejtuesit e Bayern Munchen kanë arritur një tjetër sukses në këtë merkato. Bavarezët do të derdhin në arkat e Tottenham Hotspurit 120 milionë euro për Harry Kanen , sulmues që preferohej prej kohësh nga traineri Thomas Tuchel . Largimi i Robert Lewandowskit tek Barcelona la një boshllëk në ofensivën e rekordmenëve të Bundesligës, për të cilët ishte prioritet gjetja e zëvëndësuesit të polakut. Prej shumë vitesh ‘’ Uragani ‘’ tentohej nga ekipet e elitës dhe dihej se në një moment do të largohej nga ‘’ White Hart Lane ‘’ për arsye se objektivi i tij lidhej me fitimin e trofeve. Investimi i një shifre të tillë bie në kundërshtim me politikat e këtij klubi, drejtuesit e të cilit gjatë merkatove nuk kanë shpenzuar kaq shumë por si duket 30 vjeçari anglez i ka bindur gjigandët e Gjermanisë dhe më gjerë. Në lidhje me sukseset Bayern Munchen garanton shumë , sidomos në Gjermani, rival i pamposhtur prej vitesh tashmë kryesisht në kampionat, fakt i cili për Harry Kanen konsiderohet i mjaftueshëm për arritjen e objektivave në vijimësi. Eksperienca prej dhjetë sezonesh tek ‘’ Gjelat e Londrës ‘’ përmblidhet me 435 sfida, 280 gola dhe 59 asiste , e cila e ka shëndërruar në një emblemë tek klubi kryeqytetas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
