Orët e fundit Barcelona ka marrë një lajm tepër shpresëdhënës . Sulmuesi Cedric Bakambu i ka dhënë fund etapës tek kinezët e Beijing Gouan dhe mund ti bashkohet spanjollëve në orët e ardhshme .
Për francezin katalanasve nuk do ti duhet të shpenzojnë për transferimin në ‘’ Camp Nou ‘’ sepse e ka finalizuar kontratën . 30 vjeçari ishte shumë afër Barcelonës në të kaluarën por kuq e blutë vendosën për Martin Braithwaite .
Cedric Bakambu dhe Edinson Cavani ishin dy emrat kryesorë që vijonin të qarkullonin për të ardhmen e ofensivës por duket se Xavi Hernandez ka vendosur për ishi-n e Villarealit për të shtuar produktivitetin në metrat e fundit dhe nëse merret parasysh eksperienca me ‘’ Nëndetësen e Verdhë ‘’ arrihet në konkluzionin se kjo është një goditje e qëlluar nga drejtuesit respektivë.
Nuhatja për golin dhe përdorimi i shkëlqyer i topit janë dy elementë që e favorizojnë Barcelonën për të qenë më efektive në fazën e dytë të sezonit gjatë të cilës do ti duhet të përpiqet në maksimum për tu afruar me kundërshtarët direktë .
Një risi që ka ndodhur së fundmi tek Barcelona lidhet me problemet e Sergio Agueros të cilit i është këshilluar të qëndrojë jashtë fushave deri në një vendim të dytë .
Me këtë llogjikë i lihet vendi i lirë Cedric Bakambut i cili e ka shprehur disa herë se dëshiron të rikthehet në Europë pasi mendon se ka akoma shumë për të dhënë dhe ku më mirë se tek Barcelona , ekip që po vuan për shënimin e golave .
Mendohet se franko-kongolezi mund ti japë një tjetër ngjyrë funksionimit të sulmit pavarësisht se tekniku Xavi Hernandez sapo ka ndezur motorrët në krye të pankinës së ekipit të tij të zemrës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
