Dy ndeshjet e javës së 28-të në Superligën e Kosovës, kanë regjistruar rezultate surprizë.
Drita kryesuese u ndal në barazim 1-1 nga Trepca 89 në shtëpi. Skuadra nga Gjilani kaloi në avantazh në minutën e 12-të me Krasniqin, por miqtë barazuan me Fazliun në minutën e 24-t dhe rezultati nuk ndryshoi deri në fund.
Me këtë barazim, Drita mbetet në vendin e parë të renditjes me 56 pikë, 1 më shumë se Ballkani i vendit të dytë.
Këta të fundit zhgënjyen gjithashtu, teksa barazuan 2-2 në shtëpi, ndaj Malishevës. Skuadra e Ilir Dajës, shpërdoroi avantazhin e dy golave. Ballkani e bëri dramë, pasi shënoi dy herë me Harmon në minutën e 60-të dhe Kuc në minutën e 86-të.
Kur fitorja dukej e sigurt, Malisheva bëri surprizën e madhe, duke barazuar shifrat, me dy gola në fund. Ishte Sobowale që shënoi fillimisht në minutën e 88-të, ndërsa Maliqi vulosi shifrat në 2-2 me golin e tij në minutën e 94-t.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
