Largimi i Theo Hernandez në Arabinë Saudite ka lënë një boshllëk në krahun e majtë të mbrojtjes së Milanit.
Drejtuesit menjëherë kanë filluar lëvizjet për ta mbushur boshllëkun, të cilët duket se e kanë gjetur zëvëndësuesin.
Pervis Estupinan i Brighton shikohet një alternativë cilësore, i cili shquhet si një ndër më të mirët në Premier League, i përzgjedhur edhe tek Ekuadori nga Sebastian Beccacece.
27 vjeçari numëron tre sezone me anglezët dhe në secilin prej tyre e ka përmirësuar rendimentin duke u shëndërruar në një titullar të padiskutueshëm në 11-shen e trainerit Fabian Hurzeler.
Interesi i kuqezinjve mendohet se do të analizohet me shumë kujdes nga Pervis Estupinan por kjo marrëveshje s’do të jetë aspak e lehtë për tu arrirë për arsye të pretendimit të drejtuesve të bardhebluve.
Momentalisht nuk flitet për shifra por objektivi i gjigandëve të Serisë A dhe shtatë herë fituesve të Champions Leagues është transferimi i lojtarit amerikano-jugor në të famshmin ‘’ San Siro ‘’.
Oferta sigurisht duhet të jetë bindëse dhe e ardhmja e ishi-t të Villarealit, Mallorcas dhe Osasunas ndër të tjerë mund të ndryshojë gjatë kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
