Humbja e fundit me Teutën në kampionat, ka sjellë ndryshime në stafin teknik te skuadra e Kukësit.
Trajneri Emiljano Çela ka dhënë dorëheqjen, që u pranua nga drejtuesit. Këta të fundit nuk humbën kohë dhe zgjodhën menjëherë trajnerin e ri.
Drejtimi i skuadrës verilindore, i është besuar trajnerit Bledar Devolli. 46-vjeçari e njeh mirë kampionatin, pasi më parë ai ka drejtuar Dinamon, Luftëtarin, Kastriotin dhe Kamzën, ndërsa ka qenë edhe trajner i Drenicës në Superligën e Kosovës.
Devolli debuton në pankinën e Kukësit më 20 shkurt (të martën), në ndeshjen e parë çerekfinale të Kupës kundër Partizanit në shtëpi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
