Klauzola e prishjes së kontratës me Milanin prej 150 milionë eurosh duket që tanimë ka marrë një përgjigjen e një pretendenti .
Portugezi është pa dyshim një ndër më të mirët e Stefano Piolit dhe sipas ‘ Media Foot ‘ Nasser Al Khelaifi ka pranuar të paguajë këtë shifër bombastike për ta transferuar yllin e sulmit në ‘’ Parque de Prince ‘’.
Bashkë me Kylian Mbappen dhe Erling Haaland , 23 vjeçari konsiderohet një ndër lojtarët me të ardhme premtuese dhe drejtori sportiv Luis Campos ka filluar punën për arritjen e kësaj marrëveshje.
Megjithatë edhe pse e kanë hedhur hapin të parët , parizienët do të sfidohen nga Real Madridi , Manchester United dhe Chelsea për ishi-n e Sporting Lisbonës i cili e meriton interesin e klubeve më gjigandë të Europës.
Sigurisht kjo risi në njëfarë mënyre shkakton një keqardhje tek drejtuesit e ‘’ Djallit ‘’ pasi me Rafael Leaon në ekip arritën të ulnin nga froni rivalët e Interit dhe pak e nga pak po e rifitojnë terrenin e humbur ndër vite në lidhje me fitimin e trofeve të rëndësishëm .
Paris St Germain nuk është ndalur në asnjë merkato duke i tejkaluar limitet madje me transferimin e lojtarëve më të mirë në qarkullim dhe lufton fort në çdo sezon për t’ia shtuar trofeun e Champions Leagues një herë e mirë vitrinës së mbushur me të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
