Dështimi për transferimin e Myhailo Mydruk i cili vendosi për Chelsean , i ka rikthyer edhe më të fortë drejtuesit e Arsenalit , tashmë të fokusuar tek mesfushori i Brightonit Leandro Trossard.
Sipas Fabrizio Romanos, belgu preferohet nga Mikel Arteta për zëvëndësimin e brazilianit Gabriel Jesus, sulmues që do të qëndrojë për disa javë jashtë fushave. ‘’ Topchinjtë ‘’ po përjetojnë një moment tejet pozitiv dhe vijojnë të jenë liderët e Premier Leagues me shumë meritë , pas 18 javëve të zhvilluara.
Me këtë ritëm do të jetë e vështirë që rivalët të tentojnë ndonjë surprizë gjatë fazës së dytë dhe kjo arsye sigurisht i bën edhe më të vëmëndshëm ‘’ The Gunners ‘’ edhe gjatë merkatos.
Për 28 vjeçarin një kalim në ‘’ Emirates ‘’ do të ishte një sukses shumë i madh , sidomos nëse kihet parasysh situata e Arsenalit , ekip që pretendon ti shtojë titullin e 14-të vitrinës.
Gjatë një interviste traineri i anglezëve Roberto De Zerbi ka lënë gjithçka të hapur pasi drejtuesit e Brightonit synojnë të fuqizojnë arkat me shitjen e ishi-t të Genkut, lojtar që mund të shëndërrohet në një ndër transferimet më të bujshme në Angli në këtë merkato janari.
Ja vlen për tu përmendur se Arsenali prej shumë vitesh nuk e fiton kampionatin , titull të cilin për herë të fundit e shijoi në sezonin 2003-2004.
Kaq shumë kohë pritje tregojnë se në Angli rivaliteti sa vjen edhe bëhet më i ashpër dhe në ditët e mbetura drejtuesit duhet të japin maksimumin për ti krijuar qetësinë e duhur trainerit spanjoll, strategjia e të cilit ka rezultuar efikase deri në këtë moment.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
